廖碧兒日前「舞」癮大發，路過中環街市駐足看法國現代舞蹈團KHAM表演《Intrusion Chorégraphique》時，即興加入跳舞，不少市民見到她，也拍手為她打氣，場面熱鬧。
與法國頗有淵源的廖碧兒，應邀出席在中環街市舉行的《法國五月》揭幕禮，她甚欣賞專程來港的KHAM表演，想不到日前工作後路過中環街市，看到他們表演，即興加入一齊跳，她笑言：「好彩寶刀未老仲跳得，我3歲未識行已鍾意跳舞，上次嚟開幕活動，見到佢哋跳得好開心，大人同小朋友都跟音樂跳舞，今次我即興加入，我都識少少，呢種KHAM舞係Modern Dance，冇對與錯，只要你覺得感覺舒服，就跟音樂跳，我比音樂吸引咗，好自然，一邊跳又一邊笑得好開心。」
她不介意突然加入跳舞，她說：「𠵱家做事隨心開心就好，唔使太多包袱，尤其跳舞係令我減壓好方法。」
她下周到法國出席當地釀酒盛宴，並且她會身在波爾多迎接奧運聖火傳遞，親身見證這個儀式。既與法國有緣，會否找一位法國情人？她笑言:「我知道自己應該學好啲法文，先容易溝通，因為我同法國有咁多關係，我會努力。」
