去年「登六」的鄭子誠，對於如何保持心臟健康，比以往更關注，他說：「其實香港心臟病已經有年輕化跡象，身邊都有朋友要做通波仔手術，𠵱家同朋友聚會，唔再係風花雪月，而係互相交流健康資訊，食咩補充劑，可以強化心臟健康。」
鄭子誠獲邀請擔任代言人，並以「心血劇場」表達手法，在廣告中帶出不同情况下，心臟未老先衰警號。鄭子誠一人分飾多角，讓他進一步了解更多心臟問題的同時，也相當考演技。
他說：「今次拍嘅廣告好特別，係以劇場形式表達，要一人分飾多角，仲要配合一個大銀幕，去做出唔同表情、動作，同以往拍嘅廣告，坐喺度講一大堆對白，完全唔同，構思好有『心』。」
除了拍攝手法有心思，導演知道鄭子誠是愛犬之人，並帶家中愛犬探班，令他喜上心頭，他說：「平日我除咗打網球，我屋企有4隻狗，可以話對我幫助好大，因為同佢哋去街、去玩，當去做運動，令我有更大嘅動力。」
鄭子誠將拍新劇，工作時間日夜顛倒，他說：「一開工起碼有幾個月時間天昏地暗，希望到時仍然可以兼顧到電台工作，兩個工種都好消耗體力，但無論幾忙，最緊要係保持到心臟健康。」
