女團COLLAR前晚（1日）參與《第六屆KKBOX香港風雲榜》演出，成員李芯駖腰傷未癒仍帶傷上陣，落台後由經理人扶入後台休息，觀察後才決定要否入院求診。
昨天（2日）芯駖在社交平台貼出隊友當晚和她在後台慶祝生日照片，相中的芯駖臥在休息室，並表示痛到標眼水，隊友們則在旁安慰兼扮鬼臉合照。芯駖寫道：「台上第一個動作已經扭親條腰，覺得有啲唔對路，行位都有啲痛，我稱之為瞓捩腰嘅感覺，係演唱會嘅舊患。
盡力完成part表演，落咗台以為冇乜事，點知已經行唔郁，癱瘓坐喺休息室，標咗一個鐘頭眼淚水，希望冇嚇親大家，只係有啲痛。多謝大家嘅安慰同扶我返屋企。啱啱覆完診 途中仲爆咗軚，而家已經好返好多了，唞幾日就會冇事，多謝大家關心，會好好治療好快好返。」
