陳蕾剛在歐洲放假回港，即火速重投工作，日前於澳門舉行《陳蕾凡星音樂會》。與澳門歌迷一別8年，陳蕾專程為澳門Fans精心挑選歌單，唱了一些香港演唱會從未唱過的歌曲，以答謝澳門粉絲支持，她說：「對上一次澳門個人演出，大約係8年前，當時喺一間cafe，所以今次嘅音樂會，特別挑選一啲冇喺香港演唱會唱嘅歌曲，好似《魔幻季節》、《This Love》、 《反方向的鐘》、《前前後後左左右右》及《面具》等，呢啲歌真係好耐冇唱，因為香港演唱會有主題，歌曲選擇上要有關連，今次歌單為今次澳門特定。」她還唱出日文歌《惡魔之子》，陳蕾直言之前為演唱練得辛苦，決定重新編曲鋼琴版送給澳門歌迷。
音樂會觀眾反應熱情，一時大叫陳蕾好靚女，一時在台下歡呼大叫，陳蕾首唱剛推出的新歌《五瓣玫瑰》時，腳踏7吋粗高跟鞋的她，看到台下Fans的燈海、熱情，最終也按耐不住，履行「歌迷跳我跳」承諾，在台上配合音樂，跳唱新歌《五瓣玫瑰》及《伸縮自如的愛》，最後唱出音樂會主題同名《凡星》時，台下歌迷不捨叫encore，最後陳蕾承諾大家，爭取盡快再到澳門開騷，辦更大型演唱會報答澳門歌迷。
