鄭秀文（Sammi）昨晚（23日）舉行第9場紅館演唱會，請來林峯現身舞台。Sammi介紹他出場時說︰「今晚呢個Bonus就厲害啦，我驚你哋開心到拆天。呢個嘉賓呢，我由細睇佢嘅TVB劇睇到大，呢位嘉賓最近着火呀，好Hot！總之我細細個就睇佢嘅戲長大啦！」兩人手拖手合唱《愛在記憶中找你》，Sammi感謝林峯百忙中抽空擔任表演嘉賓，林峯自爆太興奮，出發紅館前在家中弄損手。他問Sammi︰「網上流傳嘉賓名單，點解今日係『待定』？」Sammi笑言︰「梗係唔係啦，假㗎！」林峯續說︰「我仲睇到個名單有『龍捲風』，即係古天樂，其實你好多次演唱會都請佢嚟...」Sammi答︰「假㗎，佢話唔得閒喎﹗」林峯笑言早知向Sammi提議合唱《今期流行》，他邊說邊跳幾步經典動作，令全場爆笑。
