洪永城和太太梁諾妍上周六（20日）帶同2歲大女「Sirface」靖嵐（Amber）做義工，在街頭賣旗為「願望成真基金」籌款。
梁諾妍表示︰「上星期六帶咗Sirface體驗咗一個好有意義嘅活動。Sirface第一次賣旗籌款，除咗希望可以幫助更多重病兒童實現願望，身體力行幫助有需要嘅小朋友之外，亦都係一個好好嘅體驗俾Sirface 練下膽量～從小培養幫助別人的精神。我覺得Sirface做得好好啊，一啲都冇怯場，都好大膽主動去搵大家賣旗。爸爸同媽媽so proud of you﹗」
洪永城在社交網透露早在賣旗前一星期，已開始為女兒練習。他分享的影片中，Amber手持賣旗袋，洪永城就飾演向她買旗的人。他與梁諾妍教導女兒應如何請途人買旗。當洪永城拿出硬幣，打算將錢放入旗袋時，Amber卻搶着代入錢。梁諾妍隨後遞上賣旗貼紙，Amber竟將貼紙貼在自己的身上，十分可愛，令梁諾妍哈哈大笑。
