《2024香港小姐競選》15位佳麗日前拍攝以「絕美多樣」為主題的官方宣傳片，輪流展示「華麗轉身蛻變大法」，從背心牛仔褲的Casual Look蛻變成穿上晚裝的高貴形象。有「城大李嘉欣」之稱的（2）倪樂琳，接受TVB娛樂新聞台訪問時稱心情緊張。她說︰「第一次著咁靚嘅衫拍宣傳片，心情非常激動，但都有少少緊張，驚啲甫士擺得唔靚，表情唔夠好睇，不過最後都克服咗。」倪樂琳透露近日為決賽當晚的泳裝環節積極做運動︰「我想身形線條靚啲，有時間就會做運動。我雖然平時都有做開運動，但懶散少少，依家就會督促住自己。」（3）王汛文稱早前游泳前沒搽防曬，結果曬黑了皮膚，日後要多加留意。
