江𤒹生（AK）早前在第29屆釜山國際電影節的亞洲內容及全球串流作品頒獎禮上，憑劇集《打天下2》奪得年度新星獎。AK今天（9日）在社交平台分享多張當日在頒獎禮上的照片及分享感言，他說︰「好多謝釜山國際電影節嘅邀請，好榮幸可以出席今屆頒獎典禮。多謝Asia Contents Awards & Global OTT Awards頒發ACA新星獎畀我，係一個好大嘅鼓勵，我會繼續努力。」AK直言這是一次他意想不到的經歷，當日聽到自己的名字時仍未知發生何事，怕是自己聽錯了，直至再聽到劇名，才夠膽站起身。
他續說︰「十年前我有幸去過韓國成為練習生，呢段時間有唔同嘅際遇，依家能夠用香港演員身分喺韓國獲得獎項，對於曾經想喺韓國出道嘅我嚟講，意義更加重大﹗感謝《打天下》台前幕後，棠哥、Vicky導演、每一位演員，呢個獎項係屬於全個團隊㗎！OSU﹗感謝公司、魯先生、金先生、Jocelyn、AM Team所有同事照顧，但抱歉呀我太緊張，講到一嚿嚿，如果再有下次會做好啲。感恩擁有呢趟奇妙旅程，遇到嘅所有人和事，希望下次再有機會參加呢場盛事。繼續努力﹗感謝宇宙﹗多謝大家﹗」
