楊茜堯、林夏薇、王浩信、苗僑偉（三哥）等昨晚（8日）錄影《獎門人台慶感謝祭》，已簽約內地經理人公司的王浩信雖然歸隊宣傳台慶劇《黑色月光》，但拒絕接受傳媒訪問。楊茜堯聲線沙啞，她表示早前被兒子傳染，現已康復了很多。她笑道︰「係咪好磁性？覺得好溫柔？我依家啲笑聲笑得好假，老公（羅子溢）以為有個男人瞓喺身邊。我第一次上呢個節目，唔係驚，最慘係想嗌但嗌唔出。我諗住喺現場嗌爆咪開聲﹗擔唔擔心玩遊戲濕身冷親？我已準備咗好大個麻包袋笠住自己，而且我有個好好理由叫隊友頂一頂。」楊茜堯稱這段日子要宣傳劇集及照顧家庭，十分操勞。她透露正在傾幾個劇本，目前未有決定。楊茜堯解釋︰「小朋友太細，一定要先考慮佢哋，要安排好所有事，要安心先至再決定。」
