《903 AllStar 籃球賽》昨晚（23日）於亞博舉行，由隊長張繼聰帶領的「歌星勇士隊」，不敵有甲一籃球員坐陣，由隊長森美帶領的「九零三人隊」，全場5回合平手下，最終加時5分鐘輸64比66。
張繼聰覺得雖敗猶榮，問是否擔心曾於比賽受傷的姜濤？他說：「都唔使擔心，佢大個仔啦！經過呢幾年，佢都骨骼精奇，無論內在或外在好堅韌。」他強調沒有後悔今年轉會到歌星隊，他說：「一睇就知道我係永恆嘅臥底，賽前同自己講，一定要入3分波，都入咗2球，可以講番到屋企對得住老婆，喺小朋友面前抬得起頭做人。」
阿聰表示感謝商台還當他是歌手，讓他有機會認識很多年輕歌手，包括馮允謙，還自認是對方粉絲。問他不是老婆謝安琪粉絲嗎？他即賣口乖：「佢直頭係我主人啦！」問馮允謙可滿意表現？他說：「坦白講可以好啲，已打得唔算好斯文，已落力去打，但喺903籃球賽歷史中，算係少得分嘅球員，只入一球，不過我都好滿意，最緊要玩得開心。」
相關新聞：903籃球賽｜陳卓賢Stanley獲封「球王」 姜濤未能蟬聯唔失望
