鄧麗欣（Stephy）將於明年3月14至15日舉行首個個人紅館演唱會「STEP by STEPHY 鄧麗欣紅館演唱會2025」，昨日（2日）信用卡優先購票，火速售罄反應熱烈。Stephy今日（3日）在社交平台上載影片，答謝樂迷支持，並宣布加開1場好消息，她寫道：「原來夢想沒有離我很遠......」！
Stephy興奮說：「多謝大家噚日優先訂飛咁快手，好快已經賣晒，但有人快手、有人慢手，我睇到留言有Fans話買唔到飛，亦有Fans話3月16號星期日都得閒，問我加唔加場。考慮咗一晚之後，為咗買唔到飛嘅你哋，我喺度宣布加開一場！」
3場門票將於12月5日上午10時，於城市售票網公開發售，她續說：「到時你哋真係要快手啲去搶，呢段時間你哋就熱好身去搶飛，我就要熱身準備我嘅演唱會，祝你哋買飛成功！3月14、15，16號，到時見！」
