吳浩康、Manson張進翹、Kendy孫曉賢日前出席一個歌唱比賽總決賽，並為活動獻Sing，DJ阿正擔任大會司儀，吳浩康擔任比賽評判者。Deep表示勾起出道時回憶，近日開設建築公司榮升「老闆」行列：「其實我召集一班朋友開工，但係朋友當中要搵一個代表，所以我去開一間公司，代替大家收錢，所謂自己公司做第一單工程，就係口中所謂建築公司老闆，我真係絕對小判頭當中嘅小判頭，保障工友有糧出。（太太幫你管數？）我老婆唔會咁笨，你會唔會成日想同個傻佬一齊做嘢？我成日都會蝦老婆，所以老婆先唔會咁笨。」
Deep表示與Steven張致恒有聯繫，但無意聘請對方做「員工」：「我未必請得起佢，佢私下有搵過我，總之有啲條款我又未必會立刻行動。坦白講，佢冇問過我，我唔係話我可以請佢，只係佢嚟搵我嘅話，我都歡迎。（點解請唔起張致恒？）我請完佢之後引來注目，會有好多人影佢，我請佢等如搞佢，其實每一次攞我哋做對比，我都會唔開心，因為我哋係朋友。」
同場嘅Manson笑言參加者質素高，入場偷師重拾入行初心；Kendy表示想參加拍攝真人騷，毋懼素顏上鏡。
