吳君如父親、有「六合彩之父」稱號的夏春秋（冬叔，原名吳錦泉）離世，享年93歲。冬叔的兒子吳君祥曾跟江美儀相戀多年，直至2018年突然宣布已在兩年前分手，其後更被冬叔踢爆他們是離婚，不是分手。
江美儀最初不認瞞婚，隨着與男方2006年在西雅圖登記結婚紀錄曝光才不得否認及公開道歉。她多年後曾在訪談節目談及離婚原因︰「兩個人相處去到要離婚，未必係一件事發生咗，可能係一路積累，積累到覺得，我嘅人生係咪應該繼續落去。兩個人傾完之後覺得，可能分開會比較好，所以最後就分開，其實你哋知道嘅時候，已經係好後期。」至於為何秘婚，她曾解釋︰「因為我唔想講，因為我覺得做藝人呢，我已經要乜嘢都畀人知，我行出門口，乜嘢都反晒出嚟，咩都畀人講，我淨係想有一樣嘢，我係想保持住，我唔講㗎啫。我留番一樣嘢係屬於我哋兩個，係我哋兩個嘅，我唔想畀人知，咪就係咁。」
前老爺逝世，江美儀昨晚深夜在Ig上載與冬叔的兩張合照及留言︰「永遠懷念，你的笑臉，你的笑話，你的幽默，同你一齊慶祝生日。冬叔，願你離苦得樂，往生淨土！南無地藏王菩薩。南無地藏王菩薩。」
相關新聞︰「六合彩之父」夏春秋離世 吳君如：我最愛嘅老豆走咗喇
