女團Lolly Talk（LT）昨晚（6日）獲頒「CHILL CLUB 年度組合」銅獎，她們表示很開心，對於成員鄭芷淇（Elka）被發現與樂隊Zpecial鼓手李煒賢，手拖手行街，還一齊返家疑似同居。
Elka笑著說多謝大家關心，最近的確幾開心，直認2人已拍拖一段時間。談到煒賢曾於網上節目表示，會用風筒幫女友吹乾頭髮，Elka聞言甜笑認男友有幫她吹頭，卻被成員大爆她其實隔2天才洗頭，Elka解釋自己天生頭髮厚才比較懶。
至於是否同居，她先否認，只說被影到拍拖行街，後來才說：「私人事唔想回應太多，求求大家畀一啲空間我哋，唔係公司唔畀，只係自己睇到報道時，都有少少被嚇親。」其他成員即幫Elka解圍，大講韓劇和韓星轉移話題，笑說如果成員之間有好消息，定會跟大家分享。
