視帝陳豪既忙拍劇又要打理咖啡事業，近日他拍攝男士服裝品牌新一輯廣告，並將日常傾談生意情景搬上大銀幕，展現他追求極緻一面。
陳豪表示常穿恤衫做配搭，以應付不同場合需要：「一個成熟嘅男人，可以揀著咩衫嘅選擇真係唔多，除咗戲分之外，平時我都係恤衫為主！因為做『型男』要犧牲，因為Fans隨時搵你合照，無論幾熱都要『斯斯文文』，做足準備，正正係咁，揀啱自己嘅恤衫好有難度，要有彈性又要透氣，淨色得嚟又要有暗紋，稍稍求其就會變『大叔』。」
陳豪表示小朋友學業交由太太陳茵媺負責，但自己有時間都盡量參與，希望和子女成長：「雖然佢哋返學嘅嘢由媽咪負責，但有空檔我都趕去參與，恤衫簡約得嚟又得體，如果真係突然要見家長，都可以畀到『穩重』、『注重細節』嘅感覺老師，當然佢哋好乖，暫時冇機會發生過呢啲情况。」
