天后鄭秀文（Sammi）昨晚在澳門舉行第7場「You & Mi鄭秀文澳門演唱會2025」，邀請衛蘭（Janice）擔任表演嘉賓。在「眼淚系列」環節，Sammi穿上時裝設計師Tomas Chan為她度身訂做﹑充滿淒美意境的「五臟六腑血管流淚裙」，令她愛不釋手。
Sammi說：「多謝Tomas Chan精心為我設計，用咗好多人手去縫製，係五臟六腑嚟㗎！有胸啦、有胃、呢個係子宮，好似仲有個腎。Tomas Chan嘅寓意係，傷心到五臟六腑都識得流眼淚，呢條裙我特別鍾意，請畀掌聲Tomas Chan，好靚！」
接著Sammi表示邀請「好唱得」的表演嘉賓，然後《親密關係》音樂奏起，衛蘭（Janice）升上台，全場尖叫，她們手拖手合唱，Janice讚Sammi每晚歌衫好靚，Sammi風騷笑說：「我真係好靚嘛，人靚著咩都靚！」Janice感謝她的鼓勵，說：「你畀咗我好多信心，好多年前鼓勵我去喼弗，我好努力做gym。（見你舉重添呀！）我好多謝你，就係Sammi團火感染到大家！」
Sammi也說：「我係睇住你出道，睇住你成長，尤其呢幾年喺樂壇成績咁好，仲穿州過省做咁多場演出，戥你開心。我哋有共同信仰，所以特別投契。」她讚Janice內斂和斯文，Janice問她是否「I人」？Sammi笑說：「我I㗎，in between啦，揈嚟揈去，M到就I㗎啦！」非常搞笑。
Janice聞言說：「我好感恩成為Sammi嘉賓，更感恩仍然可以聽Sammi唱歌、睇Sammi演唱會，好正！」Sammi謙稱年紀大，不知道精力還能唱到幾時，Janice說：「Keep住呀，我哋都好需要你！」Sammi笑言要返後台食麵和換衫，請Janice留步表演，她演唱新歌《The Best Version Of Me》，悅耳動人。
Sammi唱完《唯獨你是不可取替》後說：「人生裏面，我哋都有屬於自己嘅故事，喺一段關係入面，有當中苦和甜，我覺得人生經歷過咩嘢都唔重要，最重要係經歷過後，體會到咩嘢，同埋回頭望發現係一場好美麗嘅祝福，所有嘢都變得更加好。」然後許志安升上台，鋼琴彈奏《世紀末煙花》，Sammi說：「我想講，我好幸福，多謝你哋！」全場拍掌和歡呼聲。然後Sammi一聲「安仔」後，安仔甜笑點頭並接著合唱，場面溫馨。
