Agent L.向DJ女友求婚成功 阿正戥好姊妹開心喊到抽搐

文章日期:2022年11月30日

【明報專訊】《花姐ERROR遊》與《ERROR自肥企画》有份演出的「Agent L.」曹梓冲在大阪向拍拖12年的女友呂珮琳(Elsie)求婚成功,兩人的喜訊令Elsie的好姊妹黃正宜(阿正)激動爆喊。Agent L.曾在ViuTV擔任編導並客串幕前,女友Elsie是商台DJ,跟阿正拍檔主持節目《Bad Girl佬》。前晚Elsie在社交網自爆婚訊,阿正分享知道好消息時,開心得激動爆喊片段,笑稱想不到Elsie在大阪私定終身,回港帶給她的手信是婚訊,阿正說:「呢個係我近年收過最大嘅驚喜,驚喜到喊到抽搐呀大佬。其實睇番條片,都好唔理解點解自己會喊成咁,又唔係我畀人求婚……希望你哋結婚後,都會過住童話般咁甜蜜嘅生活,快啲生兩個契仔契女畀我玩啦。」

Elsie說17歲時也沒想到眼前的男仔(曹梓冲)是跟她共度餘生的男人,並稱男友跪地手震遞上戒指求婚剎那,感覺似12年前問她可否做他的女朋友一樣,Elsie說:「我願意,12年後,我願意,120年後我都願意。」曾有傳Elsie向曹梓冲逼婚,他報喜同時澄清:「我知道好多人會話:『一定係Elsie逼婚你先求婚啦』,其實我唔係好想澄清,不過我係有責任保護我嘅未婚妻,我想講私底下Elsie一直都無逼過婚,只係我𠵱家先有足夠嘅能力去求婚,I love you Elsie!」

娛樂組