【明報專訊】黎諾懿昨日到將軍澳為慈善跑擔任頒獎嘉賓，問為何不落場跑？黎諾懿稱眾所周知他不喜歡跑步，覺得跑步不能傾偈很悶，只喜歡踩單車和打拳，「不過我現在每晚都會行幾公里，因為要陪阿仔行指定路綫捉精靈」。黎諾懿稱老婆李潔瑩經常叫他運動不要偷懶，「其實我要接送兒子返學放學、又要開會、開工、還要幫老婆處理慧妍雅集事宜，已忙得不可開交，不知我哪方面呈現給老婆，覺得我好得閒，所以要開始扮忙，不可以太過從容處理好所有事」。
談到李潔瑩大方表示他常與靚女拍檔合作也不會呷醋，黎諾懿分享秘訣，「講得好好，只要不集中指定拍檔，次次都不同，譬如由細識到大的李佳芯、高海寧，已經老咗就冇嘢喇。後生啲就不要重複太多次，下次再搵第二個，冇咁着迹，如成日搵陳曉華就不太好，好似劉穎鏇雖然後生，但同我屋企人好熟就冇問題，或要搵啲冇殺傷力的，戴祖儀咪冇殺傷力囉」。
