【明報專訊】梁嘉琪為動畫電影《功夫熊貓4》新角色小真擔任粵語配音。她首次參與動畫配音感到興奮及緊張，因為跟平時表演不一樣，做演員可以用好多身體語言、面部表情及眼神幫助，但配音只得把聲，令她想如何可以表達得好些，幸好有配音領班教導。她指今次的角色比較古靈精怪，是她無接觸過的類型，有難度但又好好玩。
梁嘉琪日前與《功夫熊貓4》主角阿寶到戲院謝票，與觀眾互動及派禮物。她跟觀眾有不少交流，「散場時有好多觀眾走來同我講『原來你就係小真！開頭真的不認得你把聲，同你平時好不同』。我覺得好有滿足感，今次不是易容成功，而是易聲成功！」對於《功夫熊貓4》中最喜歡的一幕，她說：「當小真想做好事的時候卻質疑自己，擔心會不會太遲，阿寶就用一句說話鼓勵小真『做啱嘅事永遠都唔會遲』，這句說話不單止話畀小朋友聽，更多是話畀大人聽，因為有時大人去到一定的年紀，如果想改變時，會擔心太遲，但其實只要你認為是正確就不會太遲，所以我好鍾意這句說話。」
娛樂組
