【明報專訊】詹瑞文（詹sir）6場「單拖喜劇」《即興之王》日前圓滿結束。闊別舞台8年，詹sir開心「即興」宣布馬上籌備round 2，「好感恩觀眾好投入，同埋大家由世界各地不同地方飛來支持我。這個是我人生同事業中都好重要的一個作品，我喺度宣布個騷不會只做幾場，至少做100場，是我一個願望，這個願望亦一定會成真。今年希望將這個騷帶去星馬、美加等地，同當地華人或香港人，一起分享這個快樂」。
魔童見詹sir扮女人狂笑
詹sir的6場騷獲大批圈中好友捧場，包括陳小春、張智霖與兒子張慕童（魔童）、廖碧兒、張衛健、陳煒等。陳小春大讚，「詹sir響台上做緊咩，我完全跟晒入去他的世界去睇，好enjoy」。魔童多次拍掌兼開懷大笑，見詹sir扮女人以Moment姐身分在台上做直播，魔童狂笑不停，當詹sir即興坐在一名男觀眾大髀時，魔童突然雙手捉緊爸爸右手，父子「十五指緊扣」，看得相當肉緊，表現興奮。張智霖說：「詹sir好有活力，我嚟學吓嘢，好enjoy、好chill。希望詹sir做多啲，大家又睇得開心。」
娛樂組
