【明報專訊】女團COLLAR成員李芯駖繼隊友邱彥筒（Marf）與陳泳伽（Winka）「單飛」後，第三名成員推出首支個人快歌《SPYLING》。芯駖以超性感造型拍MV，笑稱「芯門大開」，為了穿貼身衫，每日做體能訓練、游水、跑步、踩單車，食得清淡收身，務求操到至弗身材。
芯駖首次出單曲和單飛拍MV，心情緊張又興奮，表示COLLAR齊人拍MV都辛苦，擔心獨自拍更辛苦，加上沒有隊友在身邊，幸好在MV拍攝現場見一切安排妥當，心情放鬆不少。她自爆獲知出個人歌曲時，不敢第一時間跟母親分享，「驚媽媽擔心，所以專心做好隻歌先，完成後再同佢講。第一個問我係咪出歌嘅人係Day（許軼），佢仲問我可唔可以聽吓首歌，聽完話好好聽，又問可唔可以畀個MV佢睇，我話拍咗先再畀佢睇。其實我未出歌時，Marf成日send好多歌畀我聽，話覺得邊首歌啱我，所以出歌我都有問大家意見，因為我有選擇困難症」。
Marf與Winka「單飛」有不俗成績，芯駖承認有壓力，「如果我話冇就假嘅，壓力來自做得好唔好，冇諗過獎項，過程中好多人畀咗好多心機、資源、空間，我唔想浪費，希望做一個好作品，大家鍾意係最重要。」
娛樂組
