【明報專訊】梁祖堯、湯駿業、邵美君、葛民輝和岑珈其等合演的舞台劇《Di-Dar音樂劇場》以面臨殺校邊緣的中學為背景，殯儀業做故事主軸。為呈現殯儀業真實一面，一班男演員特別學習破地獄儀式。梁祖堯伙葛民輝、湯駿業和岑珈其等到喪禮現場參觀破地獄儀式，認真學習每個步驟。身兼編劇的梁祖堯表示在劇中加入破地獄環節全因想傳承這個精神，「一來想多些人知這個好傳統嘅儀式，二來我哋未做過，在舞台上做破地獄好似好勁，有火噴出來，好似好好睇」。
他們首次綵排破地獄儀式時體會到難度極高，梁祖堯說：「最困難是穿步，我哋搞咗好耐。」湯駿業拍下示範過程後慢慢拆解，看穿當中的穿插竅門。梁祖堯飾演的法科師傅擔演重要場口，包括自轉及跨過小火盆前噴水，首次綵排時，過程一步一驚心，「試過燒着件袍，同埋焫親大髀，我都驚驚哋，特登著長褲，平時都是著短褲排戲，因為太熱，有啲驚，一噴落去，以前以為噴酒，原來噴水，好似煲蠟，一噴落去，我感受到一股暖流，終於知道乜嘢叫做『火燒後欄』，雖然第一次試，但都值得」。
娛樂組
