【明報專訊】林峯前晚到上環出席手表品牌活動，表示澳門演唱會餘下3場，今次算熱身，以八成紅館騷架構去做，「如果沒有新意和視覺效果，我身為一個歌手都會驚悶」。
對於吳卓羲和佘詩曼（阿佘）任嘉賓，被指陣容強勁，林峯說：「兄弟姊妹冇理由唔撐啦，我們間中聚會，都有和他們講過攞定期過來一齊玩，其實冇壓力，上到台大家一齊玩就得。」
問到餘下3場澳門騷，「城寨四子」劉俊謙、胡子彤及張文傑會否驚喜任嘉賓？他笑道：「等吓啦，睇吓佢哋會唔會嚟搞事。」他稱老闆古天樂很忙，今次澳門騷不會做嘉賓，留待明年紅館演唱會。
提到阿佘自爆任嘉賓壓力大，上台驚到震，林峯稱認識對方多年，不知上台唱歌對阿佘衝擊這麼大，「我催她交歌，因為樂隊要綵排，她到最後一秒才決定唱什麼歌，好多謝她，我們有唱過K，但和上台唱又不同，可能她少做演唱會嘉賓，這件事對阿佘來講比較新鮮，她很認真對待，超出100分」。至於公然叫阿佘做女朋友，林峯說：「我平時都係叫佢女朋友，太太見到阿佘，都會同我講『你女朋友呀』。」他表示女兒已開學未能到場睇騷。
