【明報專訊】今年5月宣布與歐倩怡結束18年婚姻關係的郭晉安前日60歲生日，正式「登六」，相約圈中好友食飯慶祝，包括楊茜堯與老公羅子溢、胡定欣、馬國明、王祖藍與太太李亞男、黃智賢、羅天宇、何廣沛、周嘉洛、陳曉華、何依婷和莊子璇等。郭晉安表示搞生日會最開心邀請的朋友都差不多到齊，氣氛熱鬧。他叫朋友不用買禮物，「楊茜堯封咗利市畀我，話係佢阿媽畀，出到呢招冇得唔要啦」。胡定欣將賀禮以郭晉安名義捐款慈善機構，無綫劇《金式森林》飾演他二仔的陳浚霆好窩心，知「爸爸」想去深圳採耳但無時間，幫他物色採耳機，還親身試用過舒服先買給他。
郭晉安表示開生日會主要相約圈中好友傾偈關心彼此近况，大家好好放鬆，一張枱坐滿逾20人，聽人講湊仔女經，又講拍劇趣事，好開心，當一家人一齊閒話家常。他對壽桃生日蛋糕讚不絕口：「原來影相出來咁靚，《金式森林》一班仔女夾份送給我，何廣沛搵朋友設計，我要凌空切個壽桃，起初都驚跌落來，但切時真的無跌，好特別。」
娛樂組
