【明報專訊】羅天宇、陳曉華與陳楨怡在無綫台慶劇《巾幗梟雄之懸崖》（《巾幗4》）譜三角關係，陳曉華飾演茶樓老闆獨女桂花香，與飾演亡命之徒韋豪的羅天宇談戀愛一波多折。二人失散多年久別重逢重燃愛火，因各種情况未能光明正大拍拖，還殺出陳楨怡飾演的金寧俐挑撥離間。
羅開心多打戲
羅天宇分別跟港姐冠軍陳曉華及亞軍陳楨怡有感情戲，笑稱沒有大家想像般好艷福，與兩人「談情」最大難度是高度問題，「她們本身好高，角色又要成日著高跟鞋，加上勁瘦，我企在側邊搞到好似矮仔咁」。他稱今次《巾幗4》最開心一償心願拍動作戲，「入行16年，近年目標好想試拍打戲，細個已經好鍾意睇《葉問》、《黃飛鴻》和李小龍，一路好期待，今次有機會接觸好開心。初初聽古仔話我個角色槍法好好，以為不用打，點知原來我做了『動作擔當』」。
陳楨怡演活「心機女」
陳曉華首度參演民初劇，淡妝上陣較清純，她最驚喜是造型比想像中多及豐富。陳楨怡較成熟，穿超貼身旗袍外，還有睡衣和貴婦look。監製方駿釗讚陳楨怡有演戲天分，演暗戀羅天宇多年的「心機女」，為贏取羅天宇關注及憐惜，不惜自殘兼作古仔。
娛樂組
