【今日直擊】黃宗澤（Bosco）、鄭希怡（Yumiko）、黃翠如、馮盈盈及楊柳青等今日出席無綫新劇《溏心風暴3》開廠拜神儀式。劇中演花弗富豪的Bosco被Yumiko、黃翠如等簇擁拍照，黃翠如更扭他耳仔，場面搞笑﹗
談到劇中被女圍又多親熱戲，Bosco笑說︰「早幾日同陳偉琪拍咗場幾勁，陳偉琪好敬業，因為穿崩索性將白色打底衫除走，剩穿NuBra上陣﹗」Yumiko聞言即笑說︰「咁益你？」至於跟Yumiko的床戲，Bosco則笑說︰「佢係一個媽咪，情度上冇咁誇張，床上戲我哋唔係同時間出現，我除衫同佢玩視頻，唔講太多要留返少少神秘感。今次好多女同事都好搏命，同馮盈盈都有場挑逗戲，好少港姐第一年出嚟搞挑逗。」已為人母的Yumiko則謂性感演出沒有包袱，事前不用跟老公備案。
