29歲前港姐冠軍張名雅的囝囝「Mario」的預產期原本是4月底，BB日前提早出世，母子平安。雖然BB未足月出世但也有7磅重，新手媽咪張名雅接受《明報》訪問，她以自然分娩生B，連聲說「好痛!」。
她說:「好痛!好痛!好痛!好難忘。以為忍到，個個都係咁生BB，原來真係幾辛苦。」張名雅說陣痛時在產房待產，老公全程陪住。她說︰「醫生、護士好幫忙，很感動但忍著不哭，怕哭了會唔夠力生BB。生產過程好順利，BB好乖、好合作，用力3、4次便生了，醫生說我平日做運動有幫助。老公負責剪臍帶，聽到BB喊聲時，我跟老公也忍不住喊了。」
問她BB似爸爸?或媽媽?她笑言兩個都似，說:「BB成日笑，幾日人仔，好開心!生BB之前，沖涼時我成日跟他傾偈，要佢乖、笑多啲，做個開心BB。」
