2024-11-23 SHOWBIZ > LATEST 即時娛樂
早前宣布將於明年當爸的蕭正楠，將現身今晚（23日）播出的新一集TVB Plus清談節目《玲玲友情報》。節目一開始，麥玲玲提起曾跟黃翠如合作主持節目，當時曾贈言「將來老公係行家同埋好靚仔」，她又表示對蕭正楠的最初印象是悶蛋。麥玲玲說︰「呢個男仔一定好人但好正路，反而咪睇阿Bob（林盛斌）雖然樣衰衰、猥猥瑣瑣咁，但女仔會覺得佢好搞笑。」蕭正楠忍不住為自己平反，笑指自己在熟悉環境中非常百厭及喜歡搞事。他補充︰「喺家人、朋友當中我係最會搞氣氛嘅人，我係好兩面。」
2024-09-21 SHOWBIZ > LATEST 即時娛樂
麥玲玲主持的TVB Plus清談節目《玲玲友情報》，今晚（21日）請來支嚳儀（Venus）現身。Venus 2022年參加《中年好聲音》出道，同期學員包括周吉佩、龍婷、吳大強及曹敏寶等。她近月受不利傳聞影響，因而非常困擾。節目中，麥玲玲對她說︰「睇報道話《中年1》人際關係好複雜、多是非喎，你又要求換唱歌拍檔，搶人哋（曹敏寶）唱歌拍檔。」Venus未來得及回應，麥玲玲已接住問︰「你跟曹敏寶乜嘢關係？」
2024-07-13 SHOWBIZ > LATEST 即時娛樂
麥玲玲主持的《玲玲友情報》今晚（13日）播出新一集，請來林子善擔任節目嘉賓。子善的喊包形象近年深入民心，他透露曾被喊戲考起：「我以前拍喊戲超差，一定喊唔到，第一個指導我嘅人就係子華神（黃子華）。」子善說當年與子華合作《奸人堅》，子華知道他拍喊戲有困難後，親自傳授應付方法！除了子華，子善亦曾與張家輝合作電影《化骨龍與千年蟲》。他表示張家輝性格文靜， 更會在片場看書。子善說︰「當時諗住跟家輝學吓嘢，點知佢坐喺間房度睇書，原來佢好靜， 同佢講嘢係一句起兩句止。好多喜劇演員其實都係好文靜嘅人。」
2024-06-30 SHOWBIZ > LATEST 即時娛樂
麥玲玲在昨晚（29日）播出的一集《玲玲友情報》請來組合農夫現身，玲玲一開始便指控農夫是騙徒，經常有意無意要求她轉錢，雖然事後會全數歸還，但沒支付利息，令她感到被騙。純粹搞笑的玲玲邊說邊大笑，農夫一臉無奈。玲玲之後又指控C君（鄭詩君）當年任職J2台創意總監時經常「失蹤」，更無視她的「搲撈」，找了蘇民峰師傅擔任J2風水節目主持。C君強調真正派檸檬者是玲玲師傅，透露曾多次致電對方及表示有愛情節目等埋她埋位，玲玲都以一句「我未返嚟香港喎」為由，以致合作未能成事。C君又說：「同埋我又唔係搵阿XX做節目﹗」，玲玲聞言激動說：「咁又係，唔係我就絕交喇﹗」全程在旁食花生的陸永表示：「有一位師傅，佢（麥玲玲）唔係好啱嘅，第一性別唔同，第二連個名都唔同。」
2024-04-27 SHOWBIZ > LATEST 即時娛樂
堪輿學家麥玲玲伙拍胡美貽（Nicole）、施焯日（Arthur）主持的清談節目《玲玲友情報》，今晚（27日）一集主題為「從今開始該好好戀愛」。麥玲玲請來方力申（小方）現身並為他平反，力證小方是一名乖仔。她說︰「因為你靚仔、識運動、單身無結過3、5、7次婚，人哋會覺得你有問題。小方嘅男歡女愛模式仍停留喺古代，同佢講嗰個女仔幾好，約佢出嚟食飯啦，佢都會拒絕，話驚人誤會。」
2024-04-10 SHOWBIZ > LATEST 即時娛樂
昨晚（9日）翡翠台深夜插播靈異廣告掀熱議，有指晚上11時許播J2節目《玲玲友情報》預告片時，畫面有雜訊，隨之是無人的鞦韆盪來盪去，突然出紅衫長髮白面血紅嘴的「鬼樣」閃現但已令觀眾嚇一跳。另一靈異晝面，是J2《關注關注組》預告片後畫面見漆黑的電梯大堂，其中一部貨𨋢門打開，而畫面又受干擾似的有雜訊，原本空無一人的貨𨋢內突然見黑影，氣氛詭異，照片推光後見穿紅衫的人影。雖然宣傳片只是短短數秒，不少網民看到並且在網上分享討論。有網民表示已向通訊局投訴，又有說「嚇死人，嚇到我成晚都瞓唔著，成日都諗住果個女人，我真係以為我撞鬼，最慘係我個仔指住部電視呀！」、「確實很陰深，因太突然，看不清是什麼，但閃嗰吓見到是恐怖嘢，真的很嚇親，以為自己眼花。」不少網民估是靈異節目宣傳，也聯想到是早前梁思浩透露會為新頻道TVB Plus主持的直播靈異節目宣傳。不過，也有網民讚宣傳片有創意，已收宣傳之效。
