【今晚直擊】歐錦棠已約滿無綫，日前他接受周刊訪問，以「婆娘」稱呼無綫高層樂易玲，說樂小姐2003年入無綫後召見他，即說他「亞視味好重」。到2009年陳鴻烈拍《畢打自己人》其間突然心臟病發離世，他指樂小姐叫他們不要對記者講陳鴻烈「走咗」，要等她去講，做發言人。
樂易玲今晚出席寰宇晚會，她對於被歐錦棠稱「婆娘」，她直言：「人哋咁話我梗係唔開心，我已經好耐無喺公司見到佢。佢由2013年開始，請咗990幾日病假，每次都有醫生紙。佢本來有好多演出機會，好似《城寨英雄》、《公公出宮》，次次都話身體不適無拍。製作部同事都問我：『佢唔舒服點解又可以喺出面做嘢，做舞台劇？』」是否講過歐錦棠亞視味濃？樂小姐說：「我唔知有無講過，但亞視過嚟有乜所謂，好似視帝陳展鵬、視后田蕊妮、陳煒都係亞視過來，我都係。（是否交惡？）我好耐無同呢個人聯絡，覺得佢不願意喺無綫開工。」
至於陳鴻烈事件，樂小姐說：「過咗咁耐，唔開心嘅事唔想再提。」
