【今晚直撃】《今天星閃閃時日如飛林敏驄35年腦交戰作品展演唱會》今晚21:23正式開騷，相比平日紅館演唱會遲足近1小時。主角林敏驄以演唱會宣傳海報的鬍鬚造型示人，白色西裝、長髮，手持電結他，出場時輕鬆向全場觀眾揮手，然後結他Solo表演。之後太極六子上台埋位，與林敏驄一齊Jam歌，所有藝人登場，暫時都不是經由肇事舞台升降上來。
林敏驄之後開腔問全場觀眾，他說：「係未等咗好耐？係未有少少不滿？」，全場觀眾齊聲答「係﹗」，林敏驄唔知死再問：「畀一個形容詞形容現在心情？」，整個紅館觀眾即時向他爆粗﹗林敏驄說：「咁粗魯，咁都得，其實下午發生一單非工業意外，衷心希望同事無事﹗」
（即時娛樂）
