阮小儀的15歲愛犬「阮DeeDee」早前離世，令小儀悲痛不已，連日來小儀也在社交網懷念DeeDee，而今日是DeeDee的離世的第7天，小儀在instagram上載抱著DeeDee照片，她說：「我親愛的DeeDee，你好嗎？今晚零（凌）晨，係你離開遮遮第1個七日。呢一張相片，係你離去前一日，遮遮心血來潮攬住你同你講咗一番說話，遮遮當時已經好冇用，喊到眼都紅晒喇...今日係你離開遮遮第1個七日，如果你冇咩地方去，希望你會番（返）嚟屋企，探吓遮遮同細佬佬（另一愛犬名），你鍾意嘅雞條條同熊仔餅，隨便食啦。Dee豬，多謝你！love u!」
