李香琴縱橫演藝界多年，在圈中人緣極佳，不少和她合作過的藝人及後輩，對琴姐離世感難過。胡楓（修哥）接受《東張西望》時表示：「個心都係唔舒服，好悲痛，一個一個唔喺度，真係好傷心。尤其係阿琴，我哋識咗60年有多，阿炳（譚炳文）又係…唉…都唔知點講。如果大家有睇過我嘅戲，佢（琴姐）多數演鍾意我嘅女人，阿琴真係好靚，好多導演鍾意搵佢，佢靚又可以做反派。」
姜大衞則對琴姐離世感突然和可惜，他說：「我哋之前有探琴姐，精神各方面都幾好，諗唔到咁快走。同佢合作都好多年前，我做導演嗰陣搵過佢同炳哥做戲…我覺得失去一個好好戲嘅人，好可惜。」
家燕姐對琴姐離世感難過，她說：「我好難過，好多好朋友都離開咗。初初同佢（琴姐）拍戲，仲有同珍姐（余麗珍），我哋拍好多『東宮西宮』嘅戲，識咗好耐，佢好惜我哋。琴姐真係好想念你、懷念你，你係一個非常好嘅前輩。」
相關新聞：琴姐離世｜粵語片時代已合作 李香琴譚炳文緋聞傳足多年
相關新聞：琴姐離世｜李香琴愛提攜後輩 呂良偉聞契媽離世感愕然
相關新聞：琴姐離世｜《家有囍事》打牌場面超經典 李香琴冇電視睇嗌「世界末日」
相關新聞：琴姐離世｜汪明荃傷感懷念李香琴 胡楓難忘跟琴姐飲茶
相關新聞：琴姐離世｜「唔使驚，嫲嫲喺大廳」成金句 李香琴曾奪「萬千光輝演藝人大獎」
相關新聞：琴姐離世｜憑《三千年前》首奪音樂獎項 李香琴眼濕濕稱今生無憾
相關新聞：琴姐離世｜李香琴拍《公主嫁到》時不支暈倒 近年鮮有露面
