ViuTV全新節目《歌手‧門》將由下周一（11日）起播出，節目邀請多組不同背景的歌手單位，訴說他們音樂生涯的背後故事，帶領觀眾由全新角度再次認識歌手們，打破他們被大眾定型的形象。
下周一至三晚播出的三集，邀請到「07同學會」的其中3位歌手：陳柏宇（Jason）、徐智勇（小肥）和江伊晴，分享入行故事和趣事。小肥表示最難忘的歌曲就是《門戶之見》，指第一次聽到此曲，已忍不住落淚：「其實當年呢首歌，係龍世傑同蘇耀光特登寫畀我，大家覺得某種戀愛唔Ok，所以造就咗一啲所謂門當戶對，一個表態、表達點解唔可以大聲講出嚟呢？」
江伊晴表示最難忘的地方，莫過於舊居附近電車路，初出道的時候靠聽着音樂遊電車河去紓緩心情：「初出道有好多負面新聞，試過被誤解到遍體鱗傷。10年之後，屋企人先講番，話原來嗰陣屋企樓下，因為負面新聞而被貼街招，寫咗好多難聽嘅說話，爸爸媽媽好驚我會見到，所以喺我返屋企之前就搣晒佢。」
