關嘉敏（Carman）最近密密接job吸金，早前獲日本藝術攝影雜誌邀請擔任新一季其中一位模特兒，同季還有福山雅治擔任模特兒。
首次衝出香港為日本雜誌拍攝及初嘗人體彩繪的Carman說：「當知道要做人體彩繪拍攝時，都有少少驚，始終未試過挑戰自我性感極限，今次係我出道以來最性感一次，攝影師事前畀咗好多嘢我參考，亦都有傾過用乜嘢方式配合人體彩繪，最後用咗蝴蝶做主題，我好鍾意蝴蝶，覺得佢哋嘅唔同形態都好靚，有好多可能性，我希望自己事業上有更多可能性，呈現到不同嘅自己畀觀眾睇到。」
問到拍攝時趣事，Carman笑說：「都係第一次試人體彩繪，當化妝師落手第一下時，我凍到縮咗一下。我睇咗製成品好開心，影得好靚，好感恩有機會參與今次拍攝。」
