臨近中秋佳節，杜德偉（Alex）一家三口出席「救狗行動音樂嘉年華」，以歌聲支持今次義演。
Alex和4歲半囝囝AJ父子檔合唱《What A Wonderful World》，AJ的清脆歌聲贏得掌聲，他遺傳了爸爸唱歌天分。Alex笑說：「搵囝囝一齊演出，可以拉勻返年齡界線，潮流興青春偶像，所以我介紹AJ呢位新力軍畀大家認識。」
對於兒子演出獲讚，Alex開心說：「佢幾個月前開始練習，有一日我太太播歌氹佢瞓覺，播咗我和Daddy（即AJ爺爺）當年合唱過的英文歌《What A Wonderful World》後好鍾意，然後AJ就話要學，當時都未話有今次演出，但係佢好用心去學唱呢隻歌，精神可嘉！」
至於兒子的表現，Alex指AJ平時比較怕羞，沒想到上台後表現淡定。而AJ跟現場的毛孩，成為大家集郵對象，大受歡迎；AJ亦與毛孩們合照，表現雀躍。
