古巨基（基仔）上月推出音樂企劃《I Really Love To Sing》，邀請不同的新晉歌手、唱作人及創作人合作，頭炮就是他與MIRROR成員呂爵安（Edan）合唱《飄流教室》。基仔昨天接受商台《叱咤樂壇》訪問時，透露除了Edan外，還會分別跟另外8位歌手合唱，包括張天賦（MC）、Tyson Yoshi、葉巧琳（Mischa）、Delta T、力臻、應智越（細貓）、雲浩影（Cloud）及黃明德（Dark）。
昨天亦是基仔和太太Lorraine的結婚8周年紀念日，他在社交網留言︰「眨吓眼，8周年。我哋兩個起身自己都唔記得，首先看到朋友send來的祝賀，跟住係遮遮嘅咖啡。個8字蛋糕係去年慶祝，朋友訂蛋糕寫錯咗，哈哈，張相啱咗今日用，加上咗Kuson3人行嘅結婚周年。上半世戀人，下半世親人，我與你。」
