劉亦菲《夢華錄》與陳展鵬《黯夜守護者》雙線劇出擊搶收視 (22:56)

文章日期:2022年09月04日

無綫翡翠台明晚黃金時段推出兩套劇集,包括8時半的《夢華錄》及9時半的《黯夜守護者》。內地藝人劉亦菲、陳曉主演的《夢華錄》在內地播映時大受歡迎,不僅播放次數突破17億,在內地豆瓣亦曾獲得8.8高評分;加上有「神仙姐姐」之稱的劉亦菲睽違16年再演電視劇,與高顏值的陳曉組成夢幻CP,值得關注。緊接播出由陳展鵬、陳煒、陳敏之主演的《黯夜守護者》。

《黯夜守護者》故事由一宗「夜蒲少女」離奇命案展開,為揪出真兇替死者討回公道,中區重案組警署警長方梓翹Madam Fong(陳煒飾)伙拍曾當臥底的新到任沙展高輝(陳展鵬飾)合力追查,並透過錯綜複雜的案情揭開社會及人性陰暗面。此劇聚焦探討人性及倫常等問題,監製吳冠宇希望望帶出一念之差或造成難以挽回的後果:「今次著重細節位,我哋冇刻意畀主角好戲劇性嘅設定,反而想佢哋貼地啲實在啲,所以佢哋冇得攞住一個特質去演係幾難,但展鵬同陳煒都拿捏到,效果好好。」

展鵬一反平時有型靚仔形象,扮演一個滿面鬚根兼頭髮凌亂的滄桑阿Sir。劇組為免演員過度設計角色一直大賣關子,對此展鵬笑言拍攝前期仍未清楚自己角色底細:「監製話一個人縱使有History,但唔會成日帶住相關情緒喺身,所以幕後一直唔肯講個結局畀我聽,我拍咗成個月先知最後係點,好特別。」

演開女強人及賢母的陳煒,今次扮演Cool爆Madam,要應付連場動作戲,她笑指係時候郁吓:「今次唔算甘,自己都鍾意拍動作戲,但呢幾年冇乜機會。」她透露該劇最大挑戰是記對白,因要應付專業法律字眼外,又要牢記超長案情:「一收到劇本就開始係咁睇,到拍時要真正背到好熟,所以拍前一、兩晚連瞓覺都諗住對白。雖然有啲對白係喺後期VO交代番,但佢哋都希望現場收音,最長一段交代案情嘅戲,足足有5、6頁紙對白!」

(即時娛樂)

相關字詞﹕