瑜伽導師林芊妤（Coffee）早前身穿運動衫及瑜伽褲跟家人拜山，惹網民爭議，有網民直指她當天瑜伽裝拜山並不恰當，事後Coffee發文探討女生穿Leggings及瑜伽褲發文抒發感受，她還反擊搞一個"30days of leggings"，無論食飯行街出席活動及買餸都穿瑜伽褲，而她亦言出必行，自事件發生後，連日來都穿瑜伽褲，並貼上Ig限時動態。
昨晚（8日）Coffee再在Ig發文，她貼出和老公的合照放閃，以及快將4歲的囝囝翟德彥（伯伯）的片段，片中伯伯相當乖巧，除了幫媽媽洗鞋，還主動幫媽媽剝蝦殼，Coffee還偷影兩父子睡覺照，影到她老公手臂勁粗。
Coffee發文表示：「其實一直以嚟無論發生咗任何事都好，我嘅心情同生活依舊平靜，因為點都好都有佢哋喺我身邊，佢哋係我在乎嘅人，同樣係我最強嘅快樂後盾，當然仲有你哋啦﹗多謝你哋呢兩日不停幫我出頭，感動!!!你哋嘅留言我都有睇晒㗎，實在太愛你哋﹗」
相關新聞：林芊妤穿瑜伽褲拜山惹爭議 Coffee爆Seed反擊著足30天：要出番啖氣
