「劍神」張家朗日前出席首屆「愛心行動獎」頒獎禮，他身兼活動創辦人及活動大使身分，親身到場擔任頒獎嘉賓，並與學生們分享成長心得。身為大會製作的仁美清叙主席程瑤，亦被他的台上分享所感動。
張家朗在活動中分享其追夢經歷：「我想向家長分享一下，如果小朋友真係喜歡運動，不妨放膽比佢哋嘗試。就好似我小時候同我爸爸媽媽曾經約法三章，佢哋畀我去嘗試做全職運動員，但條件係如果最後表現唔好，就要繼續讀返書專注學業。」如果沒有當天的嘗試，就不會有今日的奧運金牌運動員。
張家朗在比賽過程中，亦曾試過先大比數落後對手，然後反敗為勝，問到他的反勝秘訣，他說：「我比賽時不太理會分數，我只係好專注咁打，我覺得一日比賽未完，我仲有機會追番，就算我真係贏唔到你，我都要令你無咁易贏我！」
程瑤作為當日活動搞手，亦深受張家朗的分享感動，原來程瑤兩個仔非常熱愛運動，她說：「早前大仔同我講話畢業後，想留喺英國讀體育碩士，那大學是世界排名第一位的體育大學，但係我同老公都有猶豫，擔心運動員生涯唔穩定，但今日聽完家朗分享，都會再認真考慮一下畀佢追夢。」
