J2台節目《鋪鋪Poker》今晚（7日）請來林盛斌（Bob）做嘉賓，主持之一的劉浩龍因為請了假，由方力申客串頂替。阿Bob在節目中反客為主，問兩位女主持胡美貽（Nicole）及黃紫恩（Jojo）︰「同枱有4位男仔，假設我哋都係單身，邊一個合眼緣，有機會發展到？」Jojo說︰「我會揀平時要話到事，又要講到笑、好幽默，做錯嘢時會兜巴『車』我，問我知唔知錯。」她最初說會選擇郭偉亮（Eric Kwok），但最後卻選了阿Bob。
尾聲時，阿Bob又問兩位女生會挑選跟誰一夜情，Nicole要求男方一定要靚仔，Jojo則說口密是先決條件，其次是經驗豐富。兩位女生有問必答，加上Jojo的答案非常開放，反令阿Bob感到尷尬。眾人七嘴八舌，方力申最終一槌定音︰「應該咁講，呢度4個男仔，你都係第一次見，乜嘢都唔知，你哋點揀？」Jojo二話不說選擇方力申。
阿Bob被問到有沒有試過飲醉跟老婆吵架時，氣定神閒地說︰「信好唔信好，我哋結婚14、15年冇鬧過交。」阿Bob又在節目中被爆想做曾志偉接班人，目標是做「獎門人」。
