造星V|18歲Owen表現嚴重失準被淘汰 4位導師幫手求情惹熱議 (23:15)

文章日期:2023年05月26日

ViuTV選秀節目《全民造星V》今晚(26日)播出一集,參賽者之一的18歲Owen是名怕醜仔,他首輪面試時自彈自唱周國賢的歌曲《Children Song》,獲面試導師不俗評價,然而到正式比賽時,他自彈自唱麥浚龍歌曲《金剛圈》,表現嚴重失準,監製在後台說:「咁大鑊嘅佢把聲?」4位導師對於Owen突然失準也大表驚訝,其中陳蕾說:「結他走音喎﹗」馮允謙也說:「可能好攰?」

當Owen唱完後,3位評判也給予紅燈,氣氛甚凝重,Edward Chan說:「你有冇聽到支結他走音?」Owen說:「係,啱啱等候嗰陣有Tune過音嘅,但我放在側邊冇再郁過。」Edward再說:「如果你檢查好,起碼結他個觀感唔會好似噪音咁完全走音。」伍詠薇也說:「我只聽到結他有結他聲,你有你嘅聲,對唔住,係唔好聽。」

然後4位導師進入錄影廠,為Owen講好說話爭取機會,此場面甚罕見,馮允謙先說:「評判唔好意思,因為嗰日我同陳蕾,其實我哋有幾個同佢面試,佢面試時真係唱得好好﹑彈得好好,好有潛質,但今日喺後台,我哋完全估唔到,好似唔係同一個人。」陳蕾也哽咽說:「我同Jay(馮允謙)都好意外,對佢印象好深刻,但今日見到佢嘅表現,我哋係戥佢擔心,好想知道原因,我好想再畀次機會佢,等佢可以發揮得更好。」

此時評判陳詠燊說:「其實我哋由3點開始錄影,到𠵱家凌晨5點半,大家都攰喇,當然後面仲有一堆人仲未表演,但你都試下唱幾句,等我哋評論一下,凌晨5點狀態下,其實你嘅聲底原來都幾好喎,咁可能都係一件好事。」Owen清唱幾句《明年今日》,可惜表現仍未如理想,Sunny再說:「頭先成首歌有一半係懶音,有一半咬字係錯嘅,所以我呢盞燈係唔可以撳。」

伍詠薇也說:「嚟比賽係要Ready好晒㗎,再畀多次機會你,但我哋都係聽唔到你有乜嘢優勢,sorry﹗」此時Owen說:「我想再多謝4位導師同埋3位評判,同埋造星咁多位朋友,我哋有緣再見。」

Owen事後直言見到導師為他爭取機會,深受感動:「我見到陳蕾為我講咁多嘢時,好似仲有喊,我係好心痛嘅,行到呢個舞台對我嚟講已經係好大證明,希望之後慢慢一步一步嚟,我呢刻實力未到呢個位,但我將來一定得。」

導師們經商討之後,決定再次入錄影廠,向大家說心底話:「因為我同Jay Fung嗰下衝動,去幫Owen講說話,我見到我哋兩Team﹑我哋辛苦選出嚟嘅選手,我好想同在座選手講,唔想畀佢哋覺得唔公平,我哋喺後台辛辛苦苦揀你哋返嚟,唔係話特別愛惜Owen,我想講你哋好多都係我哋爭崩頭爭番嚟,希望佢哋內心唔會覺得唔舒服,頭先真係好特別情况。」

相關新聞:造星V|「一燈大師」Sunny再做救星 拯救參賽者入復活區

(即時娛樂)