張敬軒網上綜藝節目《軒公敲碗Special》之「軒公水上遊樂場」日前分上、下兩集上架，內容爆笑，特別是他「爆肌」登場，影片大受歡迎，兩條片更齊齊登上熱門影片的首位及第二名。
節目反應熱烈，軒仔稱完全沒有想過：「拍攝嘅時候係玩得好開心，到睇到成條片，都覺得大家應該鍾意睇，不過就冇諗過兩條片一齊上埋熱門，衷心多謝大家嘅支持。」有網民指軒仔「走數」晒肌，他笑說：「雖然係『樽領衫』，個頸位真係連條頸都包到冚，但啲肌肉、其他啲接駁位做得好好，自己着咗上身後，仲要咁多人個個萬眾期待嘅眼神，真係好似冇着衫咁，都係赤條條，所以現場我係真尷尬。」
軒仔近日於IG上載一條感謝fans的片，他提到過去幾日fans為支持他的新歌《隱形遊樂場》展開了各種應援活動，包括cafe、攤位遊戲及義賣等。他十分感動，更想親身到場參與及說聲多謝，但由於演唱會舉行在即，所以未能現身。他說「因為我要喺一個無菌嘅狀態下準備好自己，未來十一個晚上都要有最好嘅表現，所以隔住鏡頭、隔住電話用自己個心去感受你哋嘅心意，我哋頭場見啦。」
