新城廣播創作總監及節目主持葉文輝（啤梨），今天（5日）50歲生日，首席營運總監馬浚偉聯同其他高層，特別送上兩個蛋糕為啤梨慶祝，馬浚偉私人送上大利市給壽星佬，但不忘說：「嚟緊你有好多重任！」主持黎莉亦向啤梨送飛吻，令啤梨開心又感動，不過笑言：「可惜病咗感冒，為免傳染，只好側面接收。」
啤梨許願及切蛋糕後，與新城廣播同事影大合照，他感到溫暖：「我今日『入五』喇，呢個年齡對我嚟講好特別，第一次唔想講自己幾多歲，上年仲係4字都冇乜大感覺，當踏入5字頭，人生調轉嚟到倒數，個心態真係好唔同，公司同我慶祝我覺得好感恩，好多事都唔係必然，當人生去到倒數時，我所有嘢都係感恩同珍惜。」
啤梨又指今年的轉變特別大，尤其是馬浚偉入主新城廣播後，自己升職又加薪，他表示：「𠵱家崗位係我從來冇涉獵到，有呢個機會自己都做得好開心，好多謝呢班同事同我拍住，因為識咗咁耐都好了解對方。」提到生日願望，抱恙在身的啤梨表示：「希望自己同身邊人身體健康，有健康先可以繼續向前衝，同埋工作順利。」
