ViuTV原創劇《反起跑線聯盟2》將在今晚（23日）播出第10集，有份主演首季的梁詠琪（Gigi）因撞正巡迴演唱會未能參與第2季，但仍特別騰出2日檔期客串演出。
她說：「我同導演（劉偉恒）講點都要預我，因為我係其中一個小演員瑤瑤（張曦晨飾）嘅媽咪，所以一定要返嚟同瑤瑤一家人團聚！今次再見番瑤瑤，佢真係大個咗，仲甩咗兩隻門牙，好攪笑。佢仲成熟咗，我記得有次要開好早，見到佢明明好眼瞓，但佢都會忍住開工。我都有Follow佢嘅社交平台，會私底下同佢傾偈，佢都會Message我話『Gigi媽咪，好掛住你啊！』」
劇中飾演瑤瑤爸爸的強尼笑女兒開始有「偶包」，曾因造型鬧情緒。他說︰「劇情講到媽咪去咗外地，咁爸爸幫佢整頭髮就一定會整得肉酸啲，點知佢話真係接受唔到，仲唔准人講佢嘅髮型，嬲咗成日！直到周家怡同佢講『你係專業演員嚟』，佢先可以專心演戲。」
