兩位靚媽鍾嘉欣和胡杏兒，因在無綫拍劇而成為好姊妹，嘉欣還叫杏兒做「大佬」。近日返港的鍾嘉欣趁昨天（4日）假期，帶同9歲大女Kelly（梁愛晨）到訪杏兒屋企，湊巧杏兒的3個囝囝也在家，2家人開心聚餐，相中未見杏兒老公李乘德，未知是否幫忙揸機影相，9歲Kelly滲出少女味，輪廓似足媽咪，獲讚愈大愈靚女。鍾嘉欣以英文留言："10 minutes of screen time= 10 minutes of adult conversation.（10分鐘睇片時間=10分鐘大人對話）Nice catching up with you 大佬" 。
