《CHILL CLUB推介榜年度推介24/25》今晚（6日）向盧冠廷頒發「終身成就獎」，他獲獎後說︰「呢個對我嚟講太震撼﹗我估唔到《CHILL CLUB》會頒個咁大嘅獎畀我﹗攞到呢個獎，唔係我一個人可以做到嘅嘢，係要有好多人幫手，例如以前EMI公司嘅KK Wong，佢畀機會我入行；跟住係滾石唱片公司李宗盛，佢特登嚟香港同我一齊做咗一張唱片，跟住《一生所愛》就出現；依家環球唱片公司畀咗好多支持我，我要多謝佢﹗ 同埋最後，我要多謝陪着我走咁多年嘅唐書琛（盧冠廷太太）。通常得呢個終身成就獎嘅，啲人都覺得差唔多要退休，但係我話畀大家聽，my music, my life依家先至開始，多謝晒﹗」
