【明報專訊】張馳豪親自為新歌《宇宙逃生口》作曲填詞，節奏雖輕快放鬆，但靈感卻來自一段傷痛回憶。他稱當初想寫一首對比好大的歌，編曲輕快，但歌詞其實好悲傷；想講當大家失去一段關係時，好似成個世界崩塌，像失去依靠企不到起身，但之後發覺幾不捨得都需要放手，自己搵回快樂才可以令對方、甚至令一段關係快樂，「大家可以想像這首歌是一個人經歷失戀，用工作麻醉自己，將生活填到密密麻麻，然後發現不可以再鑽牛角尖，一個人出走散心的感覺」。
歌曲MV在泰國取景，張馳豪首次到當地，半工作半遊玩，嘗盡當地美食，樂在其中，他說︰「最初傾MV時，公司畀兩個選擇我，一個是愉景灣，一個是泰國，咁當然是揀泰國啦！其實泰國畀人的感覺好無拘無束，亦好貼合首歌的感覺，好似在高速公路一個人揸車拋開煩惱咁。」他拍攝當日換上不同造型，拍攝時非常投入，拍到喊戲部分更流出真眼淚。
娛樂組
