【明報專訊】郭富城（城城）元旦偕太太方媛與兩女兒現身馬場，城城愛駒「舞林密碼」奪冠，一家四口開心拉頭馬。「舞林密碼」跑第10場三班1200米，由騎師黃智弘策騎勝出，頭馬獎金逾104萬，身為馬主的城城袋約73萬元。
城城賽後表示因「舞林密碼」之前受傷，想讓馬匹慢慢康復，不給練馬師方嘉柏壓力，可以等馬匹狀態回復才出賽，他說：「今次落番三班，我同方仔（方嘉柏）話可以試用見習騎師黃智弘，因覺得佢騎得幾好，同想畀多啲機會香港嘅後生騎師，方嘉柏有聽我意見，結果攞到好成績。」
城城剛完成台灣巡迴演唱會返港，稱今日又再飛，「可以喺2025年第一日拉頭馬係緣分。今次係我同太太、小朋友第一次拉頭馬，希望可以將呢份喜悅傳播出去，將運氣帶畀全香港人」。城城另一愛駒「著迷」改名為「舞林寶典」，他解釋因之前的馬名都是用4個字，今次用兩個字之後，隻馬就受傷，改名後可以復操。問到早前在台灣小巨蛋首場演出發生墮台意外？城城稱已沒事，多謝大家關心。
