新郎哥鄭嘉穎今日在峇里成功抱得美人歸，稱剛才見到陳凱琳（Grace）步入教堂一刻，他自己忍不住流下兩滴馬尿，更要抱起Grace行了200呎路程。嘉穎表示：「無辦法啦，為咗娶老婆，乜都要做啦，哈哈﹗今次算好簡單，因為Grace的伴娘都好易話為，都係唱咗首歌，抱咗佢行出去，好多謝佢哋。」
嘉穎更表明要多謝每位參加婚禮的朋友，遠道而來，「4、5個月前已通知大家，因為要度期，由於工作關係，好多百忙之中抽空見證我哋婚禮。今日係感動，我見到Grace行入教堂都已經忍唔住，都流咗兩滴馬尿，亦都好感觸，大家講咗好多真心話，覺得我哋比其他婚禮唔同，除有一段正規的誓詞，自己都講一段心目中對對方感覺，這一段是我哋都好感動，在此多謝大家祝福﹗」
