陳凱琳今日在峇里嫁給鄭嘉穎，正式成為鄭太。陳凱琳表示：「今朝喺做斟茶儀式之前，其實自己個人都有啲擔心，因為我完全唔知有咩禮儀要做，佢哋就同我講，話我最好喺間房度，嘉穎陣間入嚟時就要接新娘，可能我哋會難為佢少少，可能要畀啲誠意，未諗到其實成個過程係點，但見到佢一到門口時真係有啲毛管戙，好緊張，聽到其他人話畀啲誠意睇吓，不停無人幫佢，呢吓好好笑，咁我無啦啦諗到，不如叫佢唱2句一首歌畀我聽，嗰首歌叫做《一千個願意》，就係佢唱片其中一首歌，咁點解要佢唱呢首歌，因為佢有次唱卡拉OK唱呢首歌，覺得歌詞和我好貼切，係講等緊一個天使出現，所以聽到特別Sweet，佢即刻都明白我意思，唱咗兩句，呢個對我來講真係誠意，這part係好窩心，之後再斟茶好感動，因為雙方父母、家姐在場，感覺好溫馨，身為中國人好鍾意呢個傳統習俗，做完會覺得入咗呢個家庭﹗」
